Aımaqtar • 05 Sáýir, 2020

SQO: Avtopatrýlder turǵyndarǵa karantın rejımin eskertýde

186 ret

kórsetildi

1 mın

oqý úshin

Osy kúnderi Petropavl qalasynyń kóshelerinde 15 avtopatrýl dybys kúsheıtkishpen: «Qurmetti qala turǵyndary! 2020 jylǵy 1 sáýirden bastap qalaǵa kirýge jáne shyǵýǵa tyıym salynǵan. Turǵyndarǵa tek qana dúkenge, dárihanaǵa, jumysqa jáne úıge barýǵa ruqsat. Qoǵamdyq oryndarda úsh adamnan artyq jınalmaý, 65 jastan asqan azamattardyń úıde bolýy qajet. Balalar ata-analarymen birge júrýi qajet. Azyq-túlik dúkenderi jáne dárihanalar sol qalpy jumys isteıdi. Saýda úıleri jáne ortalyqtary, bazarlar jabylady. Sýpermarketter saǵatt 10.00-den 18.00-ge deıin jumys isteıdi» degen eskertýlerdi talmaı aıtyp júr. Onyń nátıjesi de jaqsy, qala kóshelerinde qazir beısaýat júrgen bir adamdy kórmeısiz.

Jaqsybaı SAMRAT

SQO: Avtopatrýlder turǵyndarǵa karantın rejımin eskertýde

Qazir karantın rejimin saqtaýdy qadaǵalaýǵa kúshtik qurylymdardyń 540 qyzmetkeri jumyldyrylǵan. Onyń ishinde polısııanyń 140 qyzmetkeri, Ulttyq ulannyń 150 áskerı qyzmetshisi jáne Áskerı ınstıtýttyń 250 kýrsanty tartylǵan. Jaıaý jasaqtar men avtopatrýlder kóshelerdi, qoǵamdyq oryndardy baqylap, jol qaýipsizdigin qamtamasyz etedi.

Beınebaqylaý kameralary karantın kezindegi qylmystar men quqyq buzýshylyqtardyń aldyn alýdaǵy tıimdi qural bolyp otyr. Oblystyq PD Shtaby bastyǵynyń orynbasary, polısııa podpolkovnıgi Baqytjan Álibekovtiń aıtýyna qaraǵanda, Petropavlda 410 kamera jumys isteýde. Olardaǵy beınekórinister qalalyq polısııa basqarmasynyń Jedel basqarý ortalyǵyna kelip túsedi. Jyl basynan beri beınebaqylaý kameralaryn qoldaný arqyly tártip saqshylary qylmystardyń ashylýyna septigin tıgizgen 345 faktini anyqtady. Sondaı-aq, 4899 ákimshilik quqyq buzýshylyq tirkeldi.

PETROPAVL